In Medias Res

Editoriale

Bashkohuni me ne në rrjetet sociale

Kosovalive SH.P.K.
Rruga Vicianum, 2/1 Arberi
10000 Prishtine
Kosovë

Email: [email protected]
Tel: 038 753 465
Tel: 043 588 700

​Alma Haxhiu, fituese e festivalit “Kosovarja Këndon”

me 10 Dhjetor 2019 ora 13:44

U Kopjua

Mbrëmë në ambientet e Teatrit “Adriana” në Ferizaj kumbuan tinguj të muzikës burimore shqiptare. Për të 47-in vit me radhë hapi siparin festivali më i veçantë dhe jetëgjatë i muzikës “Kosovarja Këndon”.

Këtë vit, ky program nën organizimin e profesor Astrit Mustafës dhe udhëheqjen artistike të Fitim Bytyqit, solli cilësi e konkurrencë të denjë mes garuesve, të cilët morën vlerësimin profesional të jurisë së festivalit në përbërje të kritikut të muzikës, Sami Piraj, muzicientit e pedagogut, Nazmi Aliu, profesoreshës së pianos, Besa Luzha, të cilët edhe zgjodhën fituesit.

Me vendin e parë u shpërblye Alma Haxhiu, me të dytin Rina Kurtishi, ndërsa vendin e tretë e mori Loresa Zeqiri.

Çmimi special “Nexhmije Pagarusha” i takoi Diellza Halimit, ndërsa çmimi “Skënder Idrizi” i ndarë nga Klubi i Gazetarëve Ferizajas “Haki Braha” i takoi Rina Kurtishit.

Këngë e mirëfilltë shqipe, vlera të larta artistike e shije e kultivuar tashmë e publikut ferizajas ishin ato që spikatën këtë edicion të Festivalit “Kosovarja Këndon” që si rëndom përcjelljet nga orkestra e Ansamblit të Këngëve dhe Valleve “Kastriotët” në Ferizaj.

Me mirënjohje të veçantë për kontribut u nderuan Fahri Beqiri, Zeqirja Ballata e Fetie Tërstena.

Edicioni i sivjemë i këtij festivali ishte planifikuar të mbahej më 28 Nëntor, mirëpo tragjedia që shkaktoi tërmeti në Shqipëri, pikërisht në këto data, bëri që në shenjë solidarizimi dhe në respekt të zisë kombëtare, të shtyhet për datën e djeshme.

Tjera nga Kulturë