In Medias Res

Editoriale

Bashkohuni me ne në rrjetet sociale

Kosovalive SH.P.K.
Rruga Vicianum, 2/1 Arberi
10000 Prishtine
Kosovë

Email: [email protected]
Tel: 038 753 465
Tel: 043 588 700

Busquets: Barcelona është në një situatë serioze, më e lehta është të shkarkosh trajnerin

me 30 Shtator 2021 ora 09:06

U Kopjua

Sergio Busquets ishte tepër i hapur në vlerësimin e tij për gjendjen e tanishme të Barcelonës, duke sugjeruar se klubi është në një situatë serioze pas poshtërimit 3-0 të pësuar nga Benfica.

Barcelona ka humbur dy ndeshjet e para të fazës grupore të Ligës së Kampionëve këtë sezon dhe në të vërtetë nuk ka qenë konkurruese në asnjërën prej tyre.

“Ne jemi në një situatë serioze, kemi pasur vetëm dy ndeshje, por kemi zero pikë”, ka thënë fillimisht Busquets në intervistën e tij pas ndeshjes.

“Duhet të mendojmë për ngjitjen në tabelë, nuk kemi zgjidhje tjetër. Duhet të presim dhe të shohim se çfarë ndodh në ndeshjet tjera. Jemi në fund, por duhet të mendojmë pozitivisht”.

Barcelona nuk pati asnjë goditje të vetme në portë nga asnjëri prej tre lojtarëve të tyre sulmues, diçka që Busquets beson se nuk pasqyron krijimtarinë e tyre.

“Nuk e di, por ne kishim shumë kryqëzime. Kishim raste që përfunduan me goditje disa metra larg portës. Statistikat janë të gjitha mirë, por ato janë shanse për të shënuar”.

Kur u pyet mbi të ardhmen e trajnerit Ronald Koeman, Busquets refuzoi të ushqejë spekulimet se holandezi së shpejti do të shkarkohet.

“Në fund, gjëja më e lehtë është të shkarkosh trajnerin. Megjithatë, ne të gjithë kemi përgjegjësi. Kjo është një situatë serioze, me të vërtetë”, përfundoi kapiteni i Barcelonës.