In Medias Res

Editoriale

Bashkohuni me ne në rrjetet sociale

Kosovalive SH.P.K.
Rruga Vicianum, 2/1 Arberi
10000 Prishtine
Kosovë

Email: [email protected]
Tel: 038 753 465
Tel: 043 588 700

Dy kosovarë udhëheqin Italinë kundër Kosovës

me 6 Janar 2020 ora 09:40

U Kopjua

PRISHTINË | 05 JAN 2020 |  Nga KosovaLive

Ndeshja ndaj Kosovës do të jetë e veçantë për dy lojtarë të përfaqësueses së Italisë në hendboll. Ata do të jenë përballë përfaqësueses së vendit të tyre të lindjes. Bëhet fjalë për vëllezërit Ardian e Endrit Iballi, që janë pjesë e rëndësishme e përfaqësueses së Italisë.

Ardiani është i lindur në vitin 1994 dhe luan në pozitën qendër. Madje është qendra kryesore në përfaqësuesen italiane, përgjegjës për të organizuar lojën e ekipit. Endriti është i lindur në vitin 1999 dhe luan në pozitën e pivotit. Vëllezërit Iballi janë pjesë e skuadrës Conversano, që është prej kryesoreve në kampionatin italian, shkruan Koha Ditore.

Ndeshja Italia – Kosova luhet të premten më 10 janar në Benevento të Italisë. Ndeshja i takon Grupit 3 të fazës së parë kualifikuese për Kampionatin Botëror të vitit 2021. Në grup janë edhe Rumania e Gjeorgjia, ndërsa vetëm fituesi i grupit avancon tutje. Kosova, njëjtë si Italia, ka synime të fitojë grupin. Me gjasa të mëdha llogaritet edhe Rumania.

“Jemi duke u përgatitur mirë për këto ndeshje. Jemi duke zhvilluar ndeshje miqësore që në takimin e parë kualifikuese të jemi në formë sa më të mirë. Natyrisht që synojnë të kualifikohemi. E dimë që është e vështirë, por luajmë në Itali dhe kjo shpresojmë se na jep më shumë entuziazëm e forcë”, ka thënë Ardian Iballi në një bisedë për gazetën. Ai është i entuziazmuar që do të luajë kundër Kosovës.

“Kur është hedhur shorti dhe janë caktuar grupet, e kam parë se Kosova dhe Italia janë në të njëjtin grup. Ishte shumë emocionuese për mua, por edhe për vëllain tim, Endritin. Jemi duke e pritur këtë ndeshje për disa muaj. Për ne është një ndeshje e veçantë dhe do të jetë shumë emocionuese”, ka theksuar i madhi i vëllezërve hendbollistë.