In Medias Res

Editoriale

Bashkohuni me ne në rrjetet sociale

Kosovalive SH.P.K.
Rruga Vicianum, 2/1 Arberi
10000 Prishtine
Kosovë

Email: [email protected]
Tel: 038 753 465
Tel: 043 588 700

Gazeta italiane: Spanja po ia prish punët Kosovës në BE, Kurti s’do ta ketë të lehtë qeverisjen

me 23 Shkurt 2021 ora 12:36

U Kopjua

Gazeta online “Osservatorio Balcani e Kaukaso Transeuropa” me seli në Trento, Itali së fundi i ka kushtuar një artikull Kosovës.

“Spanja është një nga pesë vendet e BE-së që ende nuk e njeh Kosovën. Çështja katalanase ka një ndikim të rëndë në të ardhmen e Prishtinës, veçanërisht në lidhje me marrëdhëniet me Bashkimin Evropian”, kështu fillon shkrimi i tyre.

Me një rastësi të vecantë, më 14 shkurt fatet e Kosovës dhe Katalonjës u bashkuan përsëri. Në të dyja vendet atë ditë u mbajtën zgjedhjet.

Zanafilla në të cilën Prishtina dhe Barcelona pohuan dëshirën e tyre për t’u shkëputur nga Beogradi dhe Madridi janë shumë të ndryshme.

Në fakt, Kosova ishte e pavaruar që nga viti 1999, ndërsa Katalonia vazhdon të jetë pjesë e Mbretërisë së Spanjës.

Çështja katalanase, megjithatë, ka një ndikim të rëndë në të ardhmen e Kosovës, veçanërisht në lidhje me marrëdhëniet me Bashkimin Evropian. Spanja nuk ka marrëdhënie zyrtare me Prishtinën.

Spanja, në veçanti, është dalluar në rolin e prishësit për të parandaluar që Kosova të shijojë në institucionet evropiane të njëjtin trajtim si një shtet sovran.

Kosova është zyrtarisht një nga vendet potenciale kandidate për anëtarësim; në fakt, derisa Beogradi dhe Prishtina të arrijnë një marrëveshje, rruga e saj drejt BE-së është bllokuar nga Madridi. Dhe sa më e thellë bëhet kriza katalanase, aq më shumë ngurtësohet pozicioni i Madridit ndaj Prishtinës.

Autori i këtij artikulli, Paolo Bergamaschi, ka treguar se me të parin e Vetëvendosjes, Albin Kurti u takua në vitin 2002 në hotelin “Grand”.

Bergamaschi tha se kishte kërkuar që Kurti të përfshihej në programin e delegacionit, edhe pse emri i tij nuk ishte një nga figurat kryesore të shoqërisë kosovare në atë kohë.

“Në muajt e mëparshëm unë isha marrë me çështjen e tij, kur ai po mbahej në burgjet jugosllave dhe kisha hartuar disa rezoluta që kërkonin lirimin e tij. Gjithmonë më intrigon, kur më krijohet mundësia, të takoj, gjatë udhëtimeve të mia, viktimat e padrejtësisë për të cilat kam luftuar në institucionet e komunitetit. Gjeta një person pak të hutuar, mbase ende të provuar nga burgimi i gjatë. Sidoqoftë, më bëri përshtypje personaliteti i tij i fortë.

Ai foli në një mënyrë lineare dhe të drejtpërdrejtë. Atëherë pata mundësinë ta takoja shumë here. Unë gjithmonë e kam vlerësuar vendosmërinë e tij në luftën kundër korrupsionit dhe klientelizmit, që shqetësojnë shoqërinë kosovare.

Sidoqoftë, unë nuk ndava aspak papajtueshmërinë e tij në dialogun me Beogradin, referencat e tij për Shqipërinë e Madhe dhe supozimin për ta bërë Kosovën të vetë-mjaftueshme nga pikëpamja energjetike duke shfrytëzuar linjitin, prej të cilit vendi ka. Falë udhëheqjes së tij, sidoqoftë, Vetëvendosje provoi të ishte formacioni i vetëm në peizazhin kosovar me një vizion të qartë politik dhe një platformë të strukturuar programore”, tha ai.

Po ashtu, Paolo Bergamaschi tha se edhe nëse mbështetet nga një shumicë solide parlamentare, nuk do të jetë e lehtë për Kurtin ta qeverisë një vend të zhytur në një proces transicioni që ka ngecur pas përparimit fillestar. Duke filluar me premtimin e dështuar të heqjes së vizave që detyron qytetarët kosovarë, unikë në Ballkan, për procedura të gjata dhe poshtëruese për të hyrë në zonën Shengen.

“Sipas deklaratave të para, Albin Kurti duket se synon të mos i japë shumë hapësirë ​​në agjendën e tij vazhdimit të dialogut midis Beogradit dhe Prishtinës, duke mos e konsideruar atë një çështje prioritare. Do të ishte gabim nëse do ta bënte. Zgjedhja e Bidenit në Shtëpinë e Bardhë ka hapur një dritare kohe që duhet shfrytëzuar plotësisht”, shtoi ai.

Sipas tij, Kurti gjithashtu do të duhet të jetë shumë i kujdesshëm për të mos penguar procedimet e Gjykatës Speciale e cila në muajt e ardhshëm do të gjykojë ish-presidentin e Kosovës, Hashim Thaçi, në Hagë së bashku me udhëheqësit e tjerë të UÇK-së për krimet e pretenduara të luftës.

“Nëse do ta bënte, ai do të qëllonte veten në këmbë, duke rritur më tej izolimin ndërkombëtar të Prishtinës”.