In Medias Res

Editoriale

Bashkohuni me ne në rrjetet sociale

Kosovalive SH.P.K.
Rruga Vicianum, 2/1 Arberi
10000 Prishtine
Kosovë

Email: [email protected]
Tel: 038 753 465
Tel: 043 588 700

Inflacioni në ShBA në nivelin më të lartë në gati 40 vjet, ngrihen çmimet

me 12 Janar 2022 ora 16:35

U Kopjua

Inflacioni në Shtetet e Bashkuara është ngritur në nivelin më të lartë në gati 40 vjet, duke i shtuar sfidat për konsumatorët.

Indeksi i çmimeve për konsumatorët u rrit për 0.5 për qind muajin e kaluar, pasi ishte rritur për 0.8 për qind në nëntor, tha të mërkurën Departamenti i Punës.

Kjo e rriti inflacionin në 7 për qind në dhjetor, që është rritja më e madhe që nga qershori i vitit 1982 dhe më lart se shifra prej 6.8 për qind në nëntor, shkruan Daily Mail.

Mungesa e punëtorëve po ndikon në ngritjen e pagave, duke shkaktuar kosto më të larta për bizneset, ndërsa tollovia në zinxhirin furnizues po shfaq pak shenja të lehtësimit, pasi varianti Omicron po lë miliona punëtorë në shtëpi.

Çmimet në rritje e kanë neutralizuar rritjen e pagave, nga e cila kanë përfituar shumë amerikanë, duke e bërë gjendjen më të vështirë për amvisëritë, sidomos te familjet me të ardhura më të ulëta, për t’i plotësuar nevojat themelore.