In Medias Res

Editoriale

Bashkohuni me ne në rrjetet sociale

Kosovalive SH.P.K.
Rruga Vicianum, 2/1 Arberi
10000 Prishtine
Kosovë

Email: [email protected]
Tel: 038 753 465
Tel: 043 588 700

Kryeministri Hoti flet me tahmin, thotë se në dy javët e ardhshme do të rritet numri i të infektuarve

me 1 Gusht 2020 ora 12:58

U Kopjua

Kryeministri i Kosovës, Avdullah Hoti ka reaguar duke thënë se gjatë natës së mbrëmshme ka pasur grumbullim të madh të njerëzve në disa qytete të Kosovës, në kundërshtim kjo me masat e Qeverisë dhe rekomandimet e IKSHPK-së, shkruan Reporteri.


Hoti ka thënë se në gjithë atë grumbull të njerëzve ka gjasa të ketë pasur edhe të prekur me Covid-19, që mund të kenë qenë pa simptoma dhe mundësia është e madhe që kushdo që ka qenë të jetë infektuar.

Bazuar në këtë, Hoti parashikon që  në dy javët në vijim,  do të rritet dukshëm  numri i të infektuarve. Ai thotë se në dy javët që do të vijnë qindra qytetarë që do të kërkojnë trajtim në spitale nga po të njëjtit mjekë, këshillat e të cilëve nuk po i respektojnë.

Hoti ka kërkuar edhe një herë nga qytetarët që të rrinë në shtëpi dhe të mos grumbullohen, ngase, siç ka thënë ai sistemi shëndetësorë nuk mund të përballojë ngarkesën, duke mos qenë në gjendje të ofrojë kujdes për të prekurit me COVID-19 që kanë nevojë për trajtim.

Reagimi i plotë:

Të dashur qytetarë,

Dje ne e uronim njëri tjetrin në familjet tona, ndërsa mjekët, infermierët dhe stafi tjetër mbështetës kujdeseshin për të dashurit tonë të prekur me COVID-19.

Mbrëmë ka pasur grumbullim të madh të qytetarëve në disa qendra, që është në kundërshtim me masat e ndërmarra nga Qeveria, të rekomanduara nga IKSHP dhe profesionistët shëndetësorë. Në gjithë atë masë të njerëzve është e sigurt se ka pasur të prekur me COVID-19, që mund të jenë pa simptoma. Kushdo që ka qenë prezent aty, me gjasë e ka marrë virusin. Kjo nënkupton se në dy javët në vijim, qindra qytetarë që do të kërkojnë trajtim në spitale nga po të njëjtit mjekë, këshillat e të cilëve nuk po i respektojnë.

Policia dhe inspektorati janë në terren për të mbikëqyrë zbatimin e masave, por ata nuk mund të na ruajnë nga vetja jonë. Secili nga ne duhet të jetë polic dhe inspektor. Kur shkoni në dyqan, në furrë, në restorant, në komunë, e kudo tjetër, të siguroheni se janë plotësuar kushtet që ju vetë të mos infektoheni dhe të mbroni të tjerët.

DUHET të qëndroni në shtëpitë e juaja, në mënyrë që të ruani familjen e juaj, miqtë dhe të tjerët. DUHET të qëndroni larg turmave, të mbani maskën jashtë shtëpisë, e në veçanti në ambiente ku ka qytetarë. DUHET të mbani gjithmonë distancën prej dy metrash. DUHET të mos përshëndeteni me dorë. DUHET të mbani higjienën dhe përdorni dezinfektues duarsh. Rrugë tjetër nuk ka, derisa nuk zbulohet vaksina.

Përndryshe, sistemi shëndetësorë nuk mund të përballojë ngarkesën, duke mos qenë në gjendje të ofrojë kujdes për të prekurit me COVID-19 që kanë nevojë për trajtim.

Të angazhohemi të gjithë së bashku që të ruajmë të dashurit tonë.

Me respekt,

Avdullah Hoti