In Medias Res

Editoriale

Bashkohuni me ne në rrjetet sociale

Kosovalive SH.P.K.
Rruga Vicianum, 2/1 Arberi
10000 Prishtine
Kosovë

Email: [email protected]
Tel: 038 753 465
Tel: 043 588 700

Kryetari i shoqatës së hotelerisë thotë se ministri i Tregtisë nuk po merret me 50 mijë punëtorë

me 1 Korrik 2020 ora 14:48

U Kopjua


Qeveria e Kosovës ka marrë vendim që të ndalohen grumbullimet në hapësirat e mbyllura dhe të hapura për më shumë se 50 persona.

Visar Demolli, kryetar i shoqatës së hotelerisë së Kosovës ka thënë për Gazetën Sinjali se gjatë takimit me përfaqësuesit e qeverisë u është premtuar se nga 1 korriku do të merret vendim për rifillimin e dasmave dhe hapjen e klubeve të natës.

Demolli ka thënë se ministri i Tregtisë dhe Industrisë, Vesel Krasniqi ka shkuar në Shqipëri për ta hapur sezonin turistik, ndërsa sipas tij, nuk merret me 50 mijë punëtorë në Kosovë.

“Në ora 15 e 30 kemi konferencë për media. Ministri i Tregtisë dhe Industrisë ka shkuar në Shqipëri me e hapë sezonin turistik, ndërsa nuk merret me 40 mijë e 50 mijë punëtorë, por shkon në Shqipëri e bën hapjen e sezonin turistik. Në deti nuk ka rrezik e në dasma ka rrezik. Po na kanë premtuar. I kemi edhe mesazhet si dëshmi”, ka thënë Visar Demolli nga shoqata e hotelerisë së Kosovës për Gazetën Sinjali.

Kjo shoqatë përmes një postimi në Facebook ka njoftuar se do t’i mbajnë dasmat sipas rregullave të qeverisë.

“Ne do t’i mbajmë Dasmat-Ahengjet familjare konform rregullave të Qeverisë, dhe organizimet në mbrëmjet e klubeve të natës”, thuhet në njoftimin e tyre, shkruan Gazeta Sinjali.

Qeveria Hoti gjatë ditës së sotme ka marrë disa vendime për parandalimin e koronavirusit.