In Medias Res

Editoriale

Bashkohuni me ne në rrjetet sociale

Kosovalive SH.P.K.
Rruga Vicianum, 2/1 Arberi
10000 Prishtine
Kosovë

Email: [email protected]
Tel: 038 753 465
Tel: 043 588 700

Kurti: Jemi në fazën më aktive të valës së COVID-19, vaksinohuni sa më shpejt

me 27 Janar 2022 ora 14:37

U Kopjua

Kryemnistri Albin Kurti në seancën e sotme të Kuvendit të Kosovës ku po diskutohet për gjendjen me pandeminë, ka thënë se Kosova është në fazën me aktive të valës së re të COVID-19, raporton Kosova.LIVE.

Ai ka thënë se rritja e rasteve të reja me COVID-19 do të jetë e pashmangshme çfarëdo masa të  vendosen.

Megjithatë, ai ka thënë se përmes masave të vendosura synojnë që së paku ta parandalojnë shpejtësinë e përhapjes së virusit.

“Sot ndodhemi në fazën më aktive të kësaj vale. Në dyjavëshin e fundit rastet e reja ditore janë rritur për më shumë se dhjetë ditë dhe ka filluar të vërehet një rritje e dukshme në numrin e hospitalizimeve dhe humbjeve të jetës gjatë ditëve të fundit. Në fund të vitit që e lam pas, më 26 dhjetor, variant Omicron u detektua edhe te ne. Në kohën kur e gjthë bota por edhe rajoni po përballeshin me shifra alarmante të të infektuarve, ishte vetëm çështje kohe kur ky variant i virusit do të përhapej edhe në vendin tonë”, ka deklaruar ai.

Kurti ka thënë se interesimi i qytetarëve për t’u vaksinuar po rritet çdo ditë e më shumë.

Andaj, ai është shprehur se numri i hozpitalizimeve dhe humbjes së jetëve në këtë fazë është i ulët për shkak të vaksinimit.

“Numri i hospitalizimeve dhe humbjeve të jetës në këtë fazë mund të duket relativisht i ulët kjo natyrisht për shkak se një numër i madh i qytetarëve janë vaksiunuar me dy doza dhe po vazhdon mirë edhe vaksinimi me dozën e tretë përforcuese”, ka shtuar Kurti.