In Medias Res

Editoriale

Bashkohuni me ne në rrjetet sociale

Kosovalive SH.P.K.
Rruga Vicianum, 2/1 Arberi
10000 Prishtine
Kosovë

Email: [email protected]
Tel: 038 753 465
Tel: 043 588 700

Lushtaku: Asnjë i dyshuar, nuk është dhe nuk ka qenë kurrë në PDK, ministrja Bajrami të jap dorëheqje

me 23 Tetor 2020 ora 21:32

U Kopjua

Deputeti i Partisë Demokratike të Kosovës, Mërgim Lushtaku ka mbajtur konferencë për medie.

Mërgim Lushtaku nga kjo parti, përmendi vjedhjen e mbi 2 milionë eurove në Thesarin e Shtetit. Më tutje, ai ka shtuar se asnjë i dyshuar deri tani, nuk është dhe nuk ka qenë kurrë në PDK, siç janë munduar ta paraqesin këtë lajm, raporton Ekonomia Online.

“Si opozitë jemi duke denoncuar gjithë problemet në Kosovë. Ditëve të fundit vendi është ballafaquar me krimin më të madh. Ky është krim i organizuar. Hoti e Bajrami po mundohen t’i ikin përgjegjësive. Vjedhja e 2 mln eurove është krim i organizuar nga Ministria e Financave. Me lajmet që po dalin Bajrami duhet të japë domosdoshmërisht dorëheqje. Nga qeveria Hoti, po mundohen ta përfshijnë PDK-në”.

“Nëpër portale është përmendur ortaku im, kjo është gënjeshtër. Dua t’ju informoj, se kam qartësuar se ky nuk është ortaku im. Kjo është tendencioze, pasi kanë pasur për qëllim të njollosin emrin tim. Ne kërkojmë që të arrestohet e dënohet çdo individ i përfshirë. Si PDK kërkojmë që të qëndrojnë larg hetimeve”, tha Lushtaku.

Lexoni fjalimin e plotë të deputetit Mërgim Lushtaku:

Të nderuar ju faleminderit për pjesëmarrje në këto orë të vona.

PARTIA DEMOKRATIKE E KOSOVËS, si parti opozitare, është duke angazhuar për  një kohë të gjatë në denoncimin e keqeverisjes përmes angazhimit të saj në Kuvendin e Kosovës, seancat parlamentare, si dhe komisionet parlamentare duke inicuar edhe komsione hetimore sic është rasti i privatizimit, hidrocentralve dhe vjedhjeve të mëdha që kanë ndodhur gjatë pandemisë.

PARTIA DEMOKRATIKE E KOSOVËS, është e vendosur që mos të ndaet së denoncuari dhe luftuari krimin e organizuar dhe korrupsionin.

Ditëve të fundit, qytetarët e Kosovës janë deshmitarë për njërin nga dështimet më të mëdha të qeverisë Hoti në 20 vjet të jetës institucionale në Kosovës. Vjedhja e mbi 2 milionë euro nga Thesari i Shtetit në vetëm pak minuta, është krimi më i madhë I organizuar ndërinstitucional.

Por qeveria në vend të dhënies së përgjegjësisë, po heshtë dhë po përpiqet ta gjej fajtorin diku tjetër.

Kryeminitri Hoti, në këtë rast edhe Ministrja Hykmete Bajrami po mundohen që t’i ikin përgjegjësisë së tyre politike e ligjore me improvizime dhe konfereca për shtyp.

Skandali ia “avullimit të 2 milionëshit” është krim i organizuar brenda Ministrisë së Financave, pra në kuletën e shtetit.

Nga informacionet e fundit që po dalin më media, dhe cdo ditë e më tepër, po bindemi se dorëheqja e ministers është akt i domosdoshëm.

Kjo ministre duhet të marrë përgjegjësi politike për këtë dështim të madh. Kështu do ti hapte rrugë hetimeve të pavarura pa ndërhyrje politike.

Ne e shohim qartazi një tendence nga Qeveria Hoti që në këtë skandal të përfshijë edhe Partinë Demokratike të Kosovës. 

Asnjë i dyshuar deri tani, nuk është dhe nuk ka qenë kurrë në PDK.

Sot nga një portal është përmendur emri i një ortaku tim, gjoja të përfshirë në këtë skandal por me përgjegjësi të morale e politike kjo është një gënjeshtër.

 Nëse medium nuk do të tërhiqet nga lajmi i pavërtetë, atëherë do të dorëzoj padi ditën e nesërme për këtë lajm. 

Partia Demokratike e Kosovës fton organet e rendit dhe të drejtësisë që të hetojnë, arrestojnë dhe denojnë cdo individ që gisht në vjedhjën e mbi 2 milionë euro nga thesari.

Ndërsa kërkojmë nga Qeveria Hoti përgjegjësi dhe llogari. Kjo qeveri është treguar është paaftë, jo kompetentë dhe e rrezikshme për pasurinë publike.

PDK kërkon nga qeveria Hoti që mos të ndërhyj në hetime dhe të qëendroj larg institucioneve të pavarura. Ajo nuk mund të fshihet nga përgjegjësia e saj dhe korrupsioni ku është futur duke i shuar departamentet anti korrupsion në polici, dhe shkarkuar drejtorin e policisë, ATK-së dhe Doganave.