In Medias Res

Editoriale

Bashkohuni me ne në rrjetet sociale

Kosovalive SH.P.K.
Rruga Vicianum, 2/1 Arberi
10000 Prishtine
Kosovë

Email: [email protected]
Tel: 038 753 465
Tel: 043 588 700

Man Unitedi kujton udhëtimin tragjik nga Beogradi që ia la tetë lojtarë të vdekur

me 6 Shkurt 2020 ora 12:49

U Kopjua

Në përvjetorin e 62-të të tragjedisë së Munihut, që i la të vdekur 23 persona, Manchester Unitedi i kujtoi tetë futbollistët dhe 15 personat e tjerë që vdiqën shkaku i aksidentit me aeroplanin me të cilin po udhëtonte skuadra e klubit.

Më 6 shkurt të vitit 1958, lojtarët e Manchester Unitedit ishin duke u kthyer nga Beogradi, ku kishin siguruar kualifikim në gjysmëfinale të Kupës Evropiane (tani njihet si Liga e Kampionëve) falë fitores kundër Crvena Zvezdas, transmeton Gazeta Express.

Lojtarët që po udhëtonin në atë aeroplan ishin vlerësuar si ndër talentet më premtues në histori të futbollit anglez, pasi që ishin në rrugë të duhur për t’u bërë skuadra e parë britanike që e fiton një trofe evropian.

Megjithatë, tragjikisht, pasi ishte ndalur në Munih për t’u furnizuar me kerozinë, aeroplani me të cilin po udhëtonte skuadra e stafi i Manchester Unitedit, si dhe disa gazetarë, u përplas në tentimin e tretë për t’u ngritur shkaku i borës që e kishte mbuluar pistën. Kjo tragjedi ia mori jetën 23 personave, ndërsa 21 të tjerë mbijetuan.

Trajneri Matt Busby shpëtoi pasi u trajtua për një kohë të gjatë në spital, mirëpo tetë lojtarë e humbën jetën. Edhe 62 vjet pas kësaj tragjedie, tifozët e futbollit anglez besojnë se ajo skuadër e Manchester Unitedit mund ta kishte shkruar historinë si skuadra më e mirë britanike ndonjëherë.

Tetë lojtarët e vdekur:

Duncan Edwards – 150 paraqitje, 20 gola, vdiq në moshën 21-vjeçare

Tommy Taylor – 191 paraqitje, 131 gola, vdiq në moshën 26-vjeçare

Roger Byrne – 245 paraqitje, 17 gola, vdiq në moshën 28-vjeçare

Billy Whelan – 98 paraqitje, 53 gola, vdiq në moshën 22-vjeçare

Eddie Colman – 85 paraqitje, 1 goal, vdiq në moshën 21-vjeçare

Mark Jones – 103 paraqitje, 1 goal, vdiq në moshën 21-vjeçare

David Pegg – 127 paraqitje, 24 gola, vdiq në moshën 22-vjeçare

Geoff Bent – 12 paraqitje, 1 goal, vdiq në moshën 25-vjeçare

Tragjedia e Munihut ia mori jetën edhe 15 personave të tjerë:

Kenneth Rayment, ndihmëspiloti

Tom Cable, drejtori i kabinës

Walter Crickmer, sekretari i klubit në Manchester United

Tom Curry, pjesë e stafit të trajnerëve në Manchester United

Bert Whalley, drejtuesi i trajnerëve në Manchester United

Frank Swift, gazetar i News of the World dhe ish-portier i Manchester Cityt

Alf Clarke, gazetar i Manchester Evening Chronicle

Donny Davies, gazetar i Manchester Guardian

George Follows, gazetar i The Daily Herald

Tom Jackson, gazetar i Manchester Evening News

Archie Ledbrooke, gazetar i The Daily Mirror

Henry Rose, gazetar i The Daily Express

Eric Thompson, gazetar i The Daily Mail

Bela Miklos, agjent udhëtimesh

Willie Satinoff, tifoz i Manchester United dhe shok i ngushtë i trajnerit Matt Busby.