In Medias Res

Editoriale

Bashkohuni me ne në rrjetet sociale

Kosovalive SH.P.K.
Rruga Vicianum, 2/1 Arberi
10000 Prishtine
Kosovë

Email: [email protected]
Tel: 038 753 465
Tel: 043 588 700

Në takimin e Washingtonit vetëm Hoti e Vuçiq, nuk ftohet Thaçi

me 14 Gusht 2020 ora 14:00

U Kopjua

Rreth dy muaj pas anulimit të takimit të 27 qershorit, Shtëpia e Bardhë e ka riaranzhuar takimin ndërmjet Kosovës dhe Serbisë. Një zyrtar i lartë i Administatës së Presidentit Trump i ka thënë Gazetës Express se atje janë ftuar Kryeministri Hoti dhe Presidenti i Serbisë Aleksandar Vuçiq. Presidenti Thaçi i cili nuk do të jetë në Uashington për shkak të Speciales i ka dhënë mbështetje sot këtij takimi.


Në Kosovë dhe Serbi sot të gjithë janë zgjuar me një “cicërimë” të ambasadorit Grenell, i cili njoftoi se tashmë është aranzhuar një tjetër takim në Shtëpinë e Bardhë.

Kësaj radhe, duket se njerëzit e Trumpit nuk i kanë lënë hapësirë ndonjë surprize, si në qershor kur Prokuroria Speciale në Hagë njoftoi se është dorëzuar aktakuzë në Hagë ndaj Presidentit Hashim Thaci, derisa ky po udhëtonte në Uashington.

Një zyrtar i lartë i Shtëpisë së Bardhë i ka thënë Gazetës që negociatat në Washington do të zhvillohen ndërmjet kryeministrit të Kosovës, Avdullah Hotit dhe Presdentit të Serbisë Aleksandar Vuçiq.

“Këshilltari për Siguri Kombëtare, Robert O’Brien do të presë liderët e Serbisë dhe Kosovë, me ambasadorin Grenell, më 2 shtator. Shtetet e Bashkuara mezi presin për këto diskutime të rëndësishme me Presidentin Vuciq dhe Kryeministrin Hoti. Shtetet e Bashkuara besojnë se zhvillimi ekonomik është kyç për procesin e paqes”, thuhet në përgjigjen e një zyrtari nga Administrata e Trump dhënë Gazetës.

Kryeministri Hoti i cili ende nuk është shëruar nga Covid 19 në reagimin e tij ka konfirmuar se do të jetë në Ëashington ndërkohë Presidenti Thaci e ka mirëpritur njoftimin duke i falënderuar SHBA’të pa thënë nëse do të shkojë atje.

Ambasadori Grenell, që është emisar i Presidentit Trump për dialogun me Serbinë, njoftoi mëngjesin e sotëm, sipas orës lokale të Ballkanit, se në SHBA është organizuar takim.

“Jemi të lumtur të deklarojmë se liderët e Kosovës dhe Serbisë do të takohen në Shtëpinë e Bardhë për negociata më 2 shtator”, ka shkruar Grenell.

Akoma nuk dihet se kush tjetër nga zyrtarët shtetërorë do të jenë pjesë e takimit të 2 shtatorit.

Ndryshe, kjo është përpjekja e dytë e SHBA’së për t’i ulur në tavolinën e Shtëpisë së Bardhë liderët nga Kosova dhe Serbia.

Në fund të qershorit ishte aranzhuar takimi, ku Kosovën do ta përfaqësonin presidenti Thaci dhe kryeministri Hoti. Derisa presidenti ishte rrugës për në Uashington, Prokuroria Speciale në Hagë njoftoi se ndaj tij është dorëzuar aktakuzë për krime lufte.

Presidenti Thaçi u kthye në gjysmë të rrugës, e më pas edhe Kryeministri Hoti anuloi pjesëmarrjen e tij.

Aktakuza ndaj Presidentit Thaci akoma nuk është konfirmuar nga Dhomat e Specializuara, mirëpo ai ka ndalur aktivitetin e përfaqësimit të Kosovës jashtë saj, që nga dita kur iu bënë publike akuzat. Ai ka thënë se do të japë dorëheqje, nëse i konfirmohet aktakuza në Hagë.