In Medias Res

Editoriale

Bashkohuni me ne në rrjetet sociale

Kosovalive SH.P.K.
Rruga Vicianum, 2/1 Arberi
10000 Prishtine
Kosovë

Email: [email protected]
Tel: 038 753 465
Tel: 043 588 700

Protestojnë banorët e rrugës “Muharrem Fejza”

me 22 Korrik 2021 ora 09:47

U Kopjua

Banorët e rrugës “Muharrem Fejza” kanë paralajmëruar se sot do të protestojnë për gjendjen e rrugës, gjegjësisht punimet në rrugë,

Protesta do të fillojë në orën 18:00 dhe do të mbahet tek rrethi që lidhë rrugën “B” me rrugën “Muharrem Fejza”.

Sipas banorëve të asaj rruge punimet kanë filluar tash e katër muaj, dhe prej asaj kohe përditshmëria e tyre është rënduar, madje edhe me reshjet e fundit, shumë shtëpi e kate përdhesë të ndërtesave janë përmbytur krejtësisht.

“Punimet kanë filluar tash e katër muaj, dhe prej asaj kohe përditshmëria jonë është rënduar skajshëm. Nuk kemi hapsira të sigurta për ecje si këmbësorë, persona me nevoja të veçanta tash e sa muaj kanë mbetur mbyllur. Prindërit me fëmijë të vegjël nuk kanë kah të lëvizin me karroca. Të sëmurët e të moshuarit janë në hall. Shërbimet emergjente e kanë të pamundur të qasen në lagje. Mungojnë rrugët alternative dhe ato pak rrugë që shfrytëzohen për hyrje-dalje nga lagjja nuk mirëmbahen. Kështu çdo ditë dëmtohen veturat nga gropat dhe pusetat e hapura që janë rrezik për çdo kënd”, thuhet në njoftimin e banorëve.

Tutje ata njoftojnë se sotprotestojnë për intesifikim të punimeve, për rrugë alternative të mirëmbajtuara, për mbikëqyrje të punimeve dhe zbatim të planit dinamik të punës