In Medias Res

Editoriale

Bashkohuni me ne në rrjetet sociale

Kosovalive SH.P.K.
Rruga Vicianum, 2/1 Arberi
10000 Prishtine
Kosovë

Email: [email protected]
Tel: 038 753 465
Tel: 043 588 700

Selakoviq i ankohet homologut slloven për reciprocitetin e vendosur nga Kosova

me 22 Shtator 2021 ora 08:55

U Kopjua

Ministri i Punëve të Jashtme të Serbisë, Nikola Selakoviq, i është ankuar homologut të tij slloven, Anze Logar, për vendosjen e reciprocitetit nga ana e Qeverisë së Kosovës për targat e veturave serbe.

Ai tha se e ka informuar Logar për situatën aktuale në Kosovë dhe “përpjekjen për të vendosur në mënyrë të njëanshme masa në Prishtinë që cenojnë lirinë e lëvizjes”.

Po ashtu, Selakoviq ka thënë se me këtë veprim, Kosova s’po respekton dhe s’po zbaton vazhdimisht Marrëveshjen e Brukselit, njofton Kosova.LIVE

Selakoviq tha se e ka përsëritur që Serbia është e angazhuar për paqen dhe stabilitetin në rajon derisa për dialogun tha se është e vetmja mënyrë konstruktive për të zgjidhur konfliktin.

Se a është shkelur Marrëveshja e Brukselit, presidenti i Serbisë Aleksandar Vuçiq, ka thënë se do të presë përgjigje nga BE-ja brenda një muaji.

Derisa për të njëjtën çështje ishte deklaruar edhe ish-kryenegociatori i Serbisë në dialogun Kosovë-Serbi, Borko Stefanoviq, i cili tha se regjimi i Vuçiqit po i gënjen qytetarët e tij meqë marrëveshjes për targa mes Kosovës dhe Serbisë i ka dalë afati.

Të njëjtën e ka thënë edhe ish-kryenegociatorja kosovare Edita Tahiri.